महामंडळा विषयी

मुख्य कार्यकारी अधिकारी संदेश

देशाच्या अर्थव्यवस्थेत, औद्योगिक प्रगतीत, निर्यातीमध्ये आणि थेट परकीय गुंतवणूक आकर्षित करण्यात आमचा सर्वात मोलाचा वाटा असल्याचा आम्हाला अभिमान आहे. महाराष्ट्राच्या औद्योगिक आणि आर्थिक प्रगतीमध्ये मऔवि महामंडळाने महत्वाची भूमिका बजावली आहे. मऔवि महामंडळाच्या माध्यमातून जगातील सर्वोत्तम औद्योगिक पायाभूत सुविधा उपलब्ध करून देत महाराष्ट्राचे आघाडीचे स्थान कायम ठेवण्यासाठी आणि राज्याचा सर्वंकष आर्थिक विकास साध्य करण्याकरिता सुयोग्य धोरणे आखण्यासाठी आम्ही कटिबद्ध आहोत. राज्यातील गुंतवणूक वाढीच्या योजनांमध्ये नाविन्यपूर्ण बदल घडवून आणणे आणि भारतातील पहिली एक लक्ष कोटी रुपयांची (ट्रिलीयन डॉलर्स) महाअर्थव्यवस्था होण्याचा बहुमान महाराष्ट्र राज्याला प्राप्त करून देणे ही आमच्या मॅग्नेटिक महाराष्ट्र २.० अभियानाची उद्दिष्टे आहेत.

राज्याच्या औद्योगिक प्रगतीला आणि रोजगारनिर्मितीला चालना देणे या उद्दीष्टाच्या जोडीने आपल्या नैसर्गिक साधनसंपत्तीचे व पर्यावरणाचे जतन व संवर्धन हेदेखील आम्ही आमचे कर्तव्य मानतो. आगामी काळात शाश्वत विकास साधणे हे राष्ट्रासाठी आणि जगासाठी अनिवार्य असणार आहे.

मऔवि महामंडळाने महाराष्ट्रामध्ये गुंतवणूकदारांचे नेहमीच सन्मानपूर्वक स्वागत केले आणि उद्योगांकडून मिळालेल्या अभिप्रायांनुसार वेळोवेळी आमच्या सेवेत सुधारणा घडवून आणल्या आणि पुढेही हे करत राहू. आमच्या उद्योगांच्या संपूर्ण गुंतवणूक चक्रात त्यांना सहाय्य करण्यासाठी आणि त्यांच्या कार्यव्यवहारांमध्ये येणाऱ्या अडचणींचे निवारण करण्यासाठी आम्ही कटिबद्ध आहोत. औद्योगिकदृष्ट्या पोषक वातावरण निर्मिती व पायाभूत सुविधांचा विकास हे आमचे लक्ष्य आहे.

उद्योगांना पोषक वातावरण प्रत्यक्ष अनुभवण्यासाठी मी महाराष्ट्रात आपले सहर्ष स्वागत करतो आणि आपल्याला गुंतवणूकीसाठी आमंत्रित करतो.