भूखंडासाठी मी कुठे अर्ज करू शकतो/शकते ?

भूखंडाच्या अर्जाशी संबंधित शुल्क कुठले आहे ?

भूखंड वाटप अर्जाशी संबंधित खालील शुल्क आहेत:

१) प्रक्रिया शुल्क (सर्व प्रकारच्या भूखंड वाटपांसाठी वैध): खालील तक्त्यानुसार : १८ % जी. एस. टी .

२) अर्जाचा अग्रीम (सरळ पध्दतीने आणि ई-बिडिंग वाटपासाठी वैध):

५% बयाणा रक्कमेची (ईएमडी) (अर्नेस्ट मनी डिपॉझिटची) गणना :
अर्नेस्ट मनी डिपॉझिट= प्रचलित औद्योगिक प्रीमियम दर प्रति चौ.मी. (X) आवश्यक क्षेत्रफळ (X) 5%

कोणती कागदपत्रे आवश्यक आहेत ?

सविस्तर प्रकल्प अहवाल (डीटेल्ड प्रोजेक्ट रीपोर्ट (डीपीआर))
अर्जदाराची घटना
ब्लॉक प्लान
आणि इतर कागदपत्रे लागू असतील त्यानुसार.

रक्कम भरण्याच्या कोणत्या पद्धती लागू आहेत?

प्रक्रिया शुल्क आणि अर्जाची आगाऊ रक्कम ऑनलाइन भरावी.

ऑनलाइन पेमेंट एन. ई. एफ. टी /आर. टी. जी. एस/नेट बँकिंग/क्रेडिट कार्ड/डेबिट कार्ड/यु.पी.आय. द्वारे करता येईल .

माझ्या अर्जाची प्रक्रिया कोण करणार ?

“थेट वाटप” आणि “ई-लिलाव” (ई-बिडिंग) मार्गाने प्राप्त झालेले सर्व अर्ज भूखंड वाटप समितीच्या (एलएसी) सदस्यांकडून तपासले जातील.

वरील जागांव्यतिरिक्त, आयटी पार्कच्या जागेसाठीच्या सर्व अर्जांची प्रक्रिया मुख्यालयाकडून केली जाईल.

जमीन वाटप समितीची बैठक/लँड अलॉटमेंट कमिटी मीटिंग (एलएसी)

भूसंपादन समितीची (एलएसी) बैठक संबंधित अधिकाऱ्यांकडून डीपीआरची तपासणी झाल्यानंतर घेण्यात येईल.

ऑनलाइन एलएसी बैठकीचे आमंत्रण अर्जदारास ईमेलद्वारे पाठवले जाईल.

(एलएसी) द्वारे घेतलेला कोणताही निर्णय अंतिम असेल.

भूसंपादन समितीच्या मंजूर कार्यवृत्ताची माहिती मऔवि महामंडळाच्या संकेतस्थळावर प्रकाशित केली जाईल.

ज्या भूखंडांसाठी ई-बिडिंग प्रक्रिया आहे, ते भूखंड संबंधित अधिकाऱ्यांकडून निविदा दस्तऐवजांची तपासणी झाल्यानंतर व समितीच्या अहवालास मऔवि महांडळाचे सहमुख्य कार्यकारी अधिकारी (Jt. CEO) यांची मंजुरी मिळाल्यानंतर सर्वाधिक बोलीदारास (एच1) वाटप करण्यात येतील.

कोण जारी करेल?

एलएसी (लँड अलॉटमेंट कमिटी) कडून अर्जास मंजुरी मिळाल्यानंतर गुंतवणूकदारास प्रणालीद्वारे तयार केलेले ऑफर लेटर जारी करण्यात येईल.

यात कोणता तपशील असेल?

ऑफर लेटर एक “तत्त्वतः” संप्रेषण आहे जे तुम्हाला अटींच्या अधीन राहून भूखंड देऊ शकते.

थेट भूखंड वाटपासाठी-
अर्जदार पात्र ठरल्यास आणि त्यास भूखंड देण्यात येत असल्यास, संबंधित अर्जदारास ऑफर लेटर जारी करण्यात येईल. या ऑफर लेटरच्या प्राप्तीच्या तारखेपासून १५ दिवसांच्या आत २५% अनामत रक्कम (ईएमडी) भरण्यास सांगण्यात येईल.

ई-बिडींगद्वारे भूखंड वाटप –
प्रस्तावित भूखंडासाठी एच-१ बोली लावणाऱ्या (बिड करणाऱ्या )ज्या अर्जदाराने अर्जासोबत ५% आगाऊ रक्कम भरली आहे, त्या अर्जदाराला ऑफर लेटर मिळाल्याच्या तारखेपासून १५ दिवसांच्या आत २०% ईएमडी भरण्यास सांगितले जाईल.

मला अनपेक्षित परिस्थितीमुळे निर्धारित कालावधीत पैसे भरता आले नाहीत तर?

अर्जदारास ठरवलेल्या कालावधीत ईएमडी भरता न आल्यास, अर्जदाराच्या विनंतीवरून मऔवि महामंडळाकडून अधिकतम १५ दिवसांची मुदतवाढ दिली जाऊ शकते.

अशा वेळेस, अर्जदार https://milaap.midcindia.org या लिंकचा वापर करून भूखंड वाटप प्रणालीवर ईएमडी ऑनलाइन भरून मुदतवाढीसाठी अर्ज करू शकतो.

मुदतवाढ केवळ वैध कारणांसाठी दिली जाईल.
दिलेली मुदत जास्तीत जास्त १५ दिवसांची असेल आणि त्यावर दररोज व्याज आकारले जाईल. (व्याज टक्केवारी दरवर्षी निश्चित केली जाते आणि ती पोर्टलवर प्रकाशित केली जाते)

कोण जारी करणार?

ई.एम.डी.भरल्यानंतर गुंतवणूकदारास प्रणालीद्वारे तयार केलेले भूखंड वाटप आदेश (अलॉटमेंट ऑर्डर) जारी करण्यात येईल.

याचा अर्थ काय?

अर्जदारास आता उर्वरित रक्कम भरावी लागेल, ज्यास “शिल्लक कब्जा प्रीमियम” (बॅलन्स ऑक्युपॅन्सी प्रीमियम) (BOP) म्हणून संबोधले जाते.

कधीपर्यंत भरायचे ?

अर्जदारास भूखंड वाटप आदेश ऑनलाइन प्राप्त झालेल्या तारखेपासून 30 दिवसांच्याआत शिल्लक कब्जा प्रीमियम (बीओपी) ची रक्कम भरावी लागेल.

मी अनपेक्षित परिस्थितीमुळे निर्धारित कालावधीत पैसे भरण्यास असमर्थ असल्यास काय?

जर अर्जदार निर्धारित वेळेत पैसे भरण्यास असमर्थ असेल तर अर्जदाराला मुदत वाढवण्यासाठी अर्ज करावा लागेल. मऔवि महामंडळ आणखी जास्तीत जास्त १५० दिवसांच्या कालावधीची मुदत वाढवू शकते. अशा परिस्थितीत किती दिवसांची मुदतवाढ हवी आहे त्या संबंधित दिवसांसाठी विलंबित देय शुल्क बिओपी वर भरावे लागेल.

तुम्हाला बीओपी भरण्यासाठी वाटप पत्र मिळाल्याच्या तारखेपासून कमाल १८० (३०+१५० ) दिवसांचा कालावधी मिळतो.

अधिक तपशील

तुम्ही बीओपीकडे पैसे भरल्यानंतर, मऔवि महामंडळ तुम्हाला लीजच्या कराराचा मसुदा देईल. आपल्याला जॉईंट डायरेक्टर ऑफ रजिस्ट्रारकडे संपर्क साधून मुद्रांक शुल्क भरावे लागेल .

कसा आणि कोणाकडून?

भाडेतत्त्वावरील कराराची (ए टु एल) अंमलबजावणी केल्यानंतर, मऔवि महामंडळ आपल्या भूमापकास प्रत्यक्ष जागेची पाहनी करण्यास नियुक्त करेल. लीजच्या कराराशी जोडलेल्या आपल्या प्लॉटच्या साइट प्लॅनची एक प्रत तो घेऊन येईल आणि तुमच्या उपस्थितीत भूखंडाचे मोजमाप करून त्यावर खूणा नोंदवेल. आपण या स्थानावर आणि मोजमापबाबत समाधानी असल्यास, भूखंड हस्तांतरण/अधिग्रहण दस्तऐवजावर भूमापक (मऔवि महामंडळच्या वतीने) आणि आपण/आपले प्रतिनिधी यांच्यामध्ये स्वाक्षरी करून पूर्ण करण्यात येतील.

मला किती बांधकाम करता येईल?

आपण महाराष्ट्र औद्योगिक विकास महामंडळ सर्वसमावेशक विकास नियंत्रण आणि प्रोत्साहन नियमावली २०२३(मऔविम सीडिसीपिआर – २०२३) नुसार औद्योगिक इमारत बांधू शकता.

माझ्या प्लॅनला मंजूरी कोण देईल ?

आपल्याला आपल्या नियुक्त आर्किटेक्टद्वारे बीपीएएमएस पोर्टलवर सर्व तपशील आणि दस्तऐवजांसह इमारतीचा आराखडा सादर करण्याची आवश्यकता आहे (आपण या सर्व कागदपत्रांची चेकलिस्ट ऑनलाइन मिळवू शकता).

विशेष नियोजन प्राधिकरण (स्पेशल प्लॅनिंग अथॉरिटी (एसपीए)) त्याच्या डेस्कवर ऑनलाइन प्राप्त केलेल्या योजनेची छाननी करेल आणि ते योग्य आढळल्यास, संबंधित चलन तयार केले जाईल आणि आपण यशस्वी पेमेंट केल्यानंतर, प्रारंभ प्रमाणपत्र दिले जाईल. अर्ज दाखल केल्याच्या तारखेपासून ३५ दिवसांच्या आत आपल्याला मंजुरी मिळाली पाहिजे.

माझ्याकडे किती वेळ आहे?

२१.०६.२०१९ आणि १७.०४.२००४ च्या परिपत्रकानुसार तुम्हाला प्रस्तावित कारखाना इमारतीचे बांधकाम पूर्ण करणे आणि निर्दिष्ट कालावधीत उत्पादन सुरू करणे आवश्यक आहे. हा कालावधी औद्योगिक क्षेत्राच्या वर्गावर अवलंबून असतो (महसूल वर्गीकरण). सध्या कालावधी खालीलप्रमाणे आहे:
“ए” झोन: प्रत्यक्ष ताबा मिळाल्याच्या तारखेपासून ३ वर्षे
“बी” झोन: प्रत्यक्ष ताबा मिळाल्याच्या तारखेपासून ३ वर्षे
“सी” झोन: वास्तविक ताबा मिळाल्याच्या तारखेपासून ५ वर्षे
“डी” आणि “डी+” झोन: वास्तविक ताबा मिळाल्यापासून ७ वर्षे

भोगवटा प्रमाणपत्र कोण देईल?

एकदा आपण मंजूर योजनेनुसार बांधकाम पूर्ण केल्यानंतर, आपण एम. आय. डी. सी च्या एस. डब्ल्यू. सी पोर्टलद्वारे ऑनलाइन अर्ज करणे आवश्यक आहे. विशेष नियोजन प्राधिकारी (एसपीए) यांचेमार्फत साइट तपासणीनंतर (आवश्यक असल्यास), संबंधित एसपीएद्वारे भोगवटा प्रमाणपत्र दिले जाईल.

अंतिम लीजची अंमलबजावणी

एकदा भोगवटा प्रमाणपत्र प्राप्त झाल्यानंतर, अर्जदार अंतिम भाडेपट्टा अंमलात आणू शकतो.

पुढील सेवा

भूखंडावरील इतर कोणत्याही सेवा मऔवि महामंडळच्या सिंगल विंडो क्लिअरन्स सिस्टीमचा वापर करून लागू केल्या जाऊ शकतात, या लिंकचा संदर्भ घ्या
https://services.midcindia.org/services/

मऔवि महामंडळच्या भूखंड वाटप प्रणालीबद्दल तपशीलवार मार्गदर्शन इथे बघू शकता

भूखंड अर्जाचे वार्षिक वेळापत्रक इथे बघू शकता